Gunnnámskeið vinnuvéla (VN) VINN80GRUNN

Námskeið í samstarfi við Vinnuverndarnámskeið ehf.

Stundum kallað „Stóra námskeiðið"

Námskeiðið veitir bókleg réttindi á allar stærðir og gerðir vinnuvéla sem eru réttindaskyldar á Íslandi. Íslensk réttindi eru viðurkennd víðast hvar í Evrópu.

Námskeiðið fer 99% fram í fjarnámi, aðeins lokaprófið er í kennslustofu hjá Rafmennt, á vinnustöðum eða í fjarnámsmiðstöð eftir samkomulagi. Allir sem eru orðnir 16 ára geta tekið námskeiðið en til að fá fullgild vinnuvélaréttindi verður viðkomandi að vera orðinn 17 ára og hafa bílpróf.

Þátttakendur geta byrjað á námskeiðinu þegar þeir vilja og lært þegar þeir vilja. Hægt er að horfa á námsefnið og leysa verkefni eins oft og hver vill.

Námskeiðið byggist á stuttum fyrirlestrum, ítarefni, verkefnum sem eru krossaspurningar og krossaprófum. Það þarf að leysa verkefnin og standast prófin til að geta haldið áfram á námskeiðinu. Skólinn hvetur nemendur til að halda sig að náminu og ljúka að jafnaði 1–4 köflum á dag.

Að námskeiðinu loknu geta þátttakendur hafið verklegt nám á allar gerðir réttindaskyldra vinnuvéla undir leiðsögn leiðbeinanda sem hefur kennsluréttindi. Að verklegri þjálfun lokinni er óskað eftir prófdómara frá Vinnueftirlitinu. Vinnueftirlitið gefur út vinnuvélaskírteini. Öll verkleg þjálfun og próf fara fram á vinnustöðum.

Uppbygging námskeiðsins

1. Kynning, vinnuverndarlög, reglur og reglugerðir

2. Vinnuverndarstarf og sálfélagslegt vinnuumhverfi — Próf úr köflum 1 og 2

3. Hættuleg efni, inniloft og loftræsting, hávaði og lýsing

4. Vélfræði, vökvafræði, rafgeymar og hleðsluklefar fyrir rafgeyma

5. Eðlisfræði, uppstilling og stöðugleiki vinnuvéla, ásláttarbúnaður — Próf úr köflum 3 til 5

6. Hífivír, stjórnbúnaður krana, að hífa fólk með krana og merkjakerfi fyrir kranastjórn

7. Byggingakranar og hafnarkranar í skráningarflokki A

8. Hleðslukranar í skráningarflokkum B og P

9. Brúkranar í skráningarflokki C

10. Steypudælukranar og körfukranar í skráningarflokki D — Próf úr köflum 6 til 10

11. Öryggi við skurðgröft

12. Gröfur og traktorsgröfur í skráningarflokki E

13. Ámokstursskóflur í skráningarflokki F

14. Jarðýtur í skráningarflokki G

15. Vegheflar í skráningarflokki H

16. Jarðvinnuvélar undir 4 tonnum og dráttarvélar í skráningarflokki I — Próf úr köflum 11 til 16

17. Lyftarar og lyftitæki í skráningarflokkum J og K

18. Að lyfta fólki með lyftara — Próf úr köflum 17 og 18

19. Valtar, útlagningarvélar og fræsarar í skráningarflokkum L og M — Próf úr kafla 19

20. Lokaorð

Bóklegt lokapróf

Bókleg lokapróf eru haldin hjá Rafmennt, Stórhöfða 27, 110 Reykjavík.

Sjá lista yfir næstu próftökudagsetningar í "Dagskrá"-kassanum hér til hliðar.

Dagskrá – próftökudagar

Námskeiðið sjálft er á eigin hraða — þessar dagsetningar eru fyrir bóklega lokaprófið eitt og sér, kl. 16:00.

September

Október

Nóvember

Desember

Janúar 2027

Gott að vita

Fyrirkomulag kennslu: Fjarnám, myndbandsverkefni

Námsmat: Lokapróf

Ekki er hægt að nota gjafabréf á þessu námskeiði.