3D prentun í iðnaði ALMN14 3D-PRENT

Námskeið í samstarfi við Iðuna - Fræðslusetur

Námskeiðið hentar öllum sem vilja kynnast 3D prentun frá grunni – sérstaklega iðnaðarfólki og tæknivæddum hugmyndasmiðum sem vilja nýta möguleika þrívíddarprentunar í starfi eða eigin verkefnum.

Á námskeiðinu eru kennd grunnatriði í þrívíddarprentun. Unnið er með allt ferlið í notkun 3D prentara, þ.e. umgengni og notkun prentarans, hönnun verkefna og tölvuvinnsla. Þátttakendur nota Fusion 360 teikniforritið, teikna hlut og prenta út, sækja verkefni á netið og prenta.

Þátttakendur setja upp prentara, Bambu Lab A1 Combo, nota hann í verkefnum og taka með heim í lok námskeiðs. Prentarinn er hluti af námskeiðsgjöldum. Tilgangurinn er að þátttakendur geti haldið áfram eftir að námskeiðinu lýkur og aukið þekkingu sína og getu í 3D prentun og 3D teikningu.

Á námskeiðinu er farið yfir

• Uppsetningu og notkun á Bambu Lab A1 Combo og öðrum Bambu prenturum

• Viðhald og umhirðu tækisins

• Hönnun í Fusion 360 og undirbúning prentunar

• Bambu Studio og OrcaSlicer hugbúnað sem notaður er til að undirbúa 3D módel fyrir prentun og helstu atriðin til að ná sem bestum árangri

• Mismunandi efni til 3D prentunar og helstu eiginleika þeirra

• Notkun efna, viðhald og eftirvinnslu

• 3D skönnun og gæðastjórnun í prentun

• Verklega kennslu á 3D prentara til að hefja prentun

• Grunnatriði í tækniteiknun í Fusion 360, þar sem þátttakendur hanna 3D módel sem verður prentað

• Kynningu á 3D skanna og hugbúnaði sem notaður er til eftirvinnslu á 3D skönnuðum hlutum

Reynsla af 3D prentun er ekki þörf, en þátttakendur þurfa nauðsynlega að hafa eigin fartölvu og góða mús til að vinna verkefni og setja upp hugbúnað sem kynntur verður á námskeiðinu.

Að loknu námskeiði á nemandi að

• Geta sett saman og rekið eigin 3D prentara

• Hannað einföld módel til prentunar

• Geta valið viðeigandi efni og stillingar

• Kunna að nýta prentun í eigin verkefnum eða vinnu

• Þekkja kosti og galla 3D prentunar

Aðrar upplýsingar

Þátttakendur þurfa að koma með eigin fartölvu og góða tölvumús. Prentarinn (Bambu Lab A1 Combo) er innifalinn í námskeiðsgjaldi og fylgir nemanda að námskeiði loknu. Ekki er þörf á fyrri reynslu af 3D prentun. Gjafabréf og afsláttarkjör gilda ekki; félagsaðilar að endurmenntunarsjóði rafiðnaðarins fá niðurgreitt verð.

Ókeypis fræðsla um Onshape og notkun þess: idan.is/vidburdir/1171/onshape

Kennari: Jóhannes Páll Friðriksson

Möguleiki er á að láta prentara ganga upp í annan prentara — ef þess er óskað, vinsamlegast hafið samband við Rafmennt.

Dagskrá

Öll námskeið eru tveir kennsludagar, frá 15:00 til 21:00 — veldu hóp.

Hópur 1 - FULLT

Hópur 2 - FULLT

Hópur 3

Hópur 4

Hópur 5