Drónaflug og myndvinnsla MYNDV08Drónafl&myndv

Drónar hafa á síðustu árum orðið eitt mikilvægasta verkfæri í nútíma mynd- og myndbandsgerð. Þeir eru notaðir í fjölmiðlum, markaðsefni, kvikmyndagerð, mælingum, ferðamennsku og persónulegum verkefnum. Með auknu aðgengi að öflugum drónum fylgja einnig skýrar reglur, ábyrgð og tæknileg atriði sem mikilvægt er að þekkja.

Á þessu tveggja daga námskeiði fá þátttakendur bæði traustan grunn í notkun dróna og hagnýta þekkingu í vinnslu þess myndefnis sem þeir taka upp.

Markmið námskeiðs

Að loknu námskeiði eiga þátttakendur að:

• Hafa góðan skilning á helstu tegundum dróna og notkunarmöguleikum þeirra

• Þekkja helstu reglur um drónaflug, hvaða drónar krefjast leyfa og prófa og hverjir ekki

• Vita hvaða atriði þarf að hafa í huga við öruggt og vandað drónaflug

• Geta skipulagt og framkvæmt einfaldar drónamyndatökur

• Kunna grunnatriði í vinnslu drónamyndbands, þar á meðal litgreiningu, klippingu og samsetningu hljóðs og myndar

Fyrirkomulag og innihald

Námskeiðið er tvö skipti og skiptist í fyrirlestra fyrri daginn um undirstöðuatriði við notkun á drónum og myndatöku. Seinni dagurinn fer vinnslu myndefnis sem nemendur koma með ásamt fyrirlestrum um myndvinnslu.

Dagur 1 – Grunnur, reglur og praktísk atriði

Fyrri dagurinn er helgaður undirstöðuatriðum á reglum drónaflugs, notkun og myndatöku.

Farið verður meðal annars yfir:

• Kynningu á drónum og breytingum á þeim síðustu árin

• Helstu tegundir dróna og notkunarsvið

• Reglur um drónaflug:

  • Hvaða drónar krefjast leyfa og/eða prófa

  • Hvaða drónar eru undanþegnir leyfisskyldu

  • Ábyrgð flugmanns og öryggissjónarmið

• Hvað þarf að hafa í huga fyrir flug:

  • Aðstæður, umhverfi og veður

  • Öryggi fólks og eigna

• Algeng mistök og hvað ber að varast

Verkefni:
Í lok dags fá þátttakendur verkefni um að taka upp einfalt myndefni með dróna (mynd eða myndband) og koma með það til vinnslu á degi 2.

Dagur 2 – Myndvinnsla og frágangur

Seinni dagurinn byggir áfram á grunninum og færist yfir í vinnslu og frágang drónamyndbands.

Farið verður yfir:

• Stutta yfirferð á lykilatriðum úr degi 1

• Skipulag og val á myndefni, flokkun á myndefni

• Vinnsla á dróna ljósmyndum og myndböndum:

  • Litgreining og grunnlitun á RAW/myndefni

  • Klipping og samsetning myndefnis

  • Samspil hljóðs og myndar

• Hagnýt ráð um frágang og útflutning myndefnis

Unnið verður með myndefni þátttakenda eftir því sem kostur er, þannig að seinni námskeiðsdagurinn verði sem mest verklegur og raunhæfur.

Þátttakendur geta mætt með sinn eigin dróna, þó ekki sé á dagskrá að fljúga þeim á námskeiðinu.

Kennari er Björn Steinbekk – sjá nánar á steinbekk.com

Innifalið í námsgjöldum er léttur kvöldverður

Upptaka af fræðslufundinum um drónaflug er nú aðgengileg — horfa hér

Dagskrá

Tveggja daga námskeið. Fyrri dagurinn fer í grunnatriði og reglur, sá seinni í myndvinnslu og frágang.

Niðurstöður könnunar síðasta námskeiðs

100% þátttakenda í könnun voru ánægðir eða mjög ánægðir með námskeiðið

100% þátttakenda í könnun sögðust mæla með þessu námskeið fyrir áhugasama

Námskeiðið uppfyllti væntingar allra þátttkanda í könnun með tilliti til námskeiðislýsingar