Grunnur í rigging RIGG24BASIC

Námskeiðslýsing

Á þessu grunnnámskeiði í rigging fá þátttakendur kennslu í meðferð sérhæfðs rigging búnaðar, öðlast færni og þekkingu svo sem á álags dreifingu þyngdar, notkun keðjutalía og keðjumótora, gerð áhættumats, vinnu í hæð, notkun fallvarna og fleira tengdum tímabundnum burðarvirkjum.

Þekkingarviðmið

• Skilja tilgang og mikilvægi áhættumats á vinnusvæði og geta útskýrt meginreglur þess.

• Þekkja helstu atriði í löggjöf ESB/Bretlands sem snúa að skipulagi, stjórnun, eftirliti og kröfum við tímabundin burðarvirki og vinnu í hæð.

• Skilja hugtakið vinna í hæð, stigveldi varna, fallstuðla og kröfur um skoðun búnaðar.

• Þekkja grundvallarhugtök í merkingu vinnusvæðis fyrir uppsetningu.

• Skilja eiginleika og notkun mismunandi hífibúnaðar m.a. stroffur, augu, stálvíra og keðja.

• Þekkja helstu hnútategundir og tengiaðferðir ásamt öryggisatriða tengdum þeim.

• Skilja meginatriði útreikninga á tímabundnum burðarvirkjum, þ.m.t. áhrif horna, krafta, núnings, vefja og burðargetu.

• Þekkja mismunandi endafestingar stálvíra (SWR) og kröfur um uppsetningu og skoðun þeirra.

• Skilja samsetningu og burðargetu trussa, áhrif þríhyrninga, skástífa og tenginga.

• Þekkja LOLER-kröfur og ábyrgð hæfs aðila við skipulagningu og framkvæmd tímabundinna burðarvirkja.

• Skilja notkun mótora, fösun, keðjupoka og agaðs verklags til að koma í veg fyrir skemmdir.

• Skilja meginreglur um aukahleðslur, dreifara (spreaders), annarskonar festinga og afleiðinga bilana.

• Skilja hugtök um álagsdreifingu, varafestingar og krafta í hanafótum og keðjukerfum.

• Skilja mikilvægi eftirlits, gátlista og öruggrar lyftingar/lækkunar eftir að uppsetningu er lokið.

Leikniviðmið

• Framkvæmt áhættumat á vinnusvæði og greint helstu hættur.

• Lesið úr vinnuteikningum og merkt vinnusvæði nákvæmlega með réttum viðmiðum og mælingum.

• Framkvæmt fornotkunarskoðun á búnaði og greint galla eða óeðlilegt slit.

• Bundið og notað hnúta á öruggan hátt í raunverulegum rigging-aðstæðum.

• Beitt grunnreglum hífingar við val og uppsetningu stroffa og búnaðar.

• Sett saman og skoðað SWR-endafestingar samkvæmt kröfum.

• Samsett og meðhöndlað tröss á öruggan hátt, með réttri röðun, tengingum og varúð gegn skemmdum.

• Framkvæmt rigging út frá teikningum og aðlagað breytingum á burðarkerfi.

• Unnið örugglega með mótora, keðjur og keðjupoka og beitt réttum vinnubrögðum við notkun.

• Framkvæmt hengingu á tössum (þríhyrning, ferning osfrv) með réttum hornum og spennu.

• Bætt við tröss-hliðum og breytt kerfi til að tryggja stöðugleika.

• Sett upp dreifara og aðrar festingar og metið áhrif aukahleðslu.

• Framkvæmt örugga lyftingu og lækkun, fylgt gátlista og unnið undir viðeigandi eftirliti.

• Útskýrt áhrif á álag og burð þegar upp koma bilanir í kerfi.

• Tekið niður búnað á öruggan hátt og gengið frá honum þannig að hann sé tilbúinn til næstu notkunar.

Námsmat

Námskeiðið endar á lokaprófi sem gildir til einkunnar og staðfestingar á námskeiðslokum.

Upplýsingar

Kennari námskeiðsins er Chris Higgs frá Total Solutions sem hefur áratuga reynslu í uppsetningu tímabundinna burðarvirkja og námskeiðshaldi tengdu því.

Námskeiðið er 3 dagar að lengd.