Certified Optical Network Engineer FJSV40CONE

RAFMENNT kynnir í samstarfi við OTT - Optical Technology Training námskeiðið CONE.

Gervigreindarmynd

Skráningu lýkur 15. september 2026. Eftir það fá þátttakendur send kennslugögn.

CONE er framhaldsnámskeið sem byggir á grunninum úr CONA og fjallar um hönnun ljósleiðaraneta sem nýta samfasa sendingu og stafræna merkjavinnslu. Námskeiðið tekur á helstu áskorunum nútíma ljósleiðaraneta — aukinni afkastagetu, meiri drægni, sveigjanleika, stýringu á hikun og þjónustugæðum, auk þess að tryggja opin og samhæfð kerfi án þess að tapa niður kostnaði eða orkunotkun.

Um námskeiðið

Fjallað verður um hvernig öflug samsetning samfelldrar sendingar og stafrænnar vinnslu merkjasendinga getur umbreytt ljósleiðara fjarskiptum á gagnahraða sem er 100Gb/s, 400Gb/s, 800Gb/s og hraðar og um þær breytingar sem þarf að gera á DWDM kerfum til að þau geti starfað á skilvirkan hátt og viðhaldið gagnahraða. Einnig verða samfasa lausnir á styttri vegalengdum bornar saman við samfasa lausnir á lengri vegalengdum.

Skilningur á því hvernig rétt samsetning af ljós- og rafeindatækni er nýtt til að yfirstíga takmarkanir ljósleiðarakerfa er endurtekið þema námskeiðsins, sem og hlutverk SDN, ROADM, tengingar ljósleiðarakerfa og greiningu á þeim.

Í lok námskeiðsins á nemandi geta metið þær grundvallartakmarkanir sem gilda og þær málamiðlanir sem getur þurft taka við uppbyggingu og rekstur smára og stórra ljósleiðarakerfa. Nemandi mun geta tekið skynsamlegar og árangursríkar stefnumótandi ákvarðanir og langtímaáætlanir fyrir net í rekstri.

Á þessu námskeiði eru skapaðar mismunandi sviðsmyndir til að setja námsefnið í samhengi og skoða viðfangsefni þess frá ýmsum sjónarhornum. Nemendur fá ítarlega handbók um námsefnið, auk aðgangs á öðru ítarefni á lokuðu vefsvæði. Nemendur munu vinna saman að verkefnaskilum yfir námstímann með aðstoð þjálfunarkerfis OTT. Nemendur munu þurfa að standast próf til að fá CONE gráðuna – Certified Optical Network Engineer.

Forkröfur og fyrirkomulag

Undanfari: CONA gráða

Mælt er með því að þátttakendur séu með CONA gráðuna eða sambærilega þekkingu.

Námskeið er kennt á ensku.

Í námskeiðsgjöldum er innifalin hádegismatur og hressing.

Lýsing á námskeiðinu frá OTT má nálgast hér.

Hentar

Námskeiðið hentar vel þeim sem starfa við krefjandi ljósleiðaraverkefni, til dæmis sæstrengi, kjarnanet, ský- og CDN-lausnir, gagnaversamtengingar, fjármálanet og rannsókna-/menntanet. Viðfangsefnið höfðar til breiðs hóps starfsheita, meðal annars netkerfishönnuða og -arkitekta, verkefnastjóra í flutningskerfum, stefnumótandi netskipuleggjenda, IP-sérfræðinga sem þurfa að kynnast ljósleiðaranetum betur, og hugbúnaðarverkfræðinga sem vinna að SDN-lausnum.

Að námskeiði loknu getur þú meðal annars

• Hannað kerfi sem forðast óæskileg ólínuleg áhrif í ljósleiðurum

• Valið hentugustu ljósleiðaragerðina fyrir ný verkefni

• Metið hvaða "pluggable" tengiform henta best hverju verkefni

• Skipulagt hagkvæma innleiðingu á OIF 400ZR fyrir gagnaversamtengingar

• Metið kosti og málamiðlanir aðlögunarhæfra ljóssenditækja

• Borið saman leiðir til að flytja allt að 10Tb/s yfir vegalengdir frá 100m upp í þverúthafsfjarlægðir

• Valið bestu mögnunarlausnina fyrir netið þitt

• Metið hlutverk flexgrid-tækni og skipulagt innleiðingu hennar

• Skilgreint viðeigandi ROADM-eiginleika fyrir núverandi rekstur og framtíðarþróun

• Skipulagt net þannig að óþarfa hikun (latency) sé lágmörkuð

• Valið viðeigandi FEC- og DSP-tækni

• Metið hlutverk SDN, opinna neta og sundurgreiningar (disaggregation) í þínu neti

• Beitt aðferðafræði við að setja fram gildar hönnunarstefnur fyrir netið

Um kennara

Michal Pěček er ráðgjafi í ljósleiðaratækni með yfir 25 ára reynslu af hönnun, uppbyggingu og rekstri ljósleiðaraneta. Hann hefur hannað ljósleiðaranet fyrir stór fjarskiptafyrirtæki á borð við Verizon, Deutsche Telekom og Telefónica, og starfaði hjá Google í 11 ár við hönnun og sjálfvirknivæðingu alþjóðlegs ljósleiðaranets fyrirtækisins.

Michal er löggiltur til að kenna bæði CONA (Certified Optical Network Associate) og CONE (Certified Optical Network Engineer) námskeið OTT í Evrópu. Námskeiðin eru ætluð netkerfishönnuðum, verkefnastjórum, hugbúnaðarþróunaraðilum og öðru fagfólki sem starfar við ljósleiðaraflutningskerfi.

Nánari upplýsingar má finna hér.

Dagskrá

Fimm dagar, 08:30 – 16:30 hvern dag.

CONA + CONE

CONA er grunnnámskeið sem kennir undirstöðuatriði ljósleiðaraneta sem byggja á beinni greiningu (direct detection) — meðal annars metro-net, gagnaversamtengingar og langlínukerfi. Ekkert forkröfuþekking er nauðsynleg.

CONE byggir ofan á CONA og fer dýpra í hönnun neta sem nýta samfasa sendingu og stafræna merkjavinnslu (DSP) fyrir mun hraðari gagnaflutning (100Gb/s og upp úr).

Saman gefa CONA og CONE heildarmynd af nútíma ljósleiðaranetum — frá grunnþekkingu upp í fullþróaða, samfasa háhraðakerfi.